John Anderson my jo, John,
    When we were first acquent,
Your locks were like the raven.
    Your bonnie brow was brent;
But now your brow is beld, John,
    Your locks are like the snow;
But blessings on your frosty pow,
    John Anderson, my jo.

John Anderson my jo, John.
    We clamb the hill thegithter;
And mony a canty day, John,
    We’ve had wi ane anither:
Now we maun totter down, John,
    And hand in hand we’ll go,
And sleep thegither at the foot,
    John Anderson, my jo.


Previous selection Previous selection | Next selection Next
Next Title: To His Wife on the Fourteenth Anniversary of Her Wedding Day with a Ring By Samuel Bishop